İQTİSADİYYAT


Çin Azərbaycanın nəqliyyat infrastrukturundan istifadə ilə bağlı müzakirələr aparıb

Bakı, 19 noyabr, AZƏRTAC

Azərbaycan Respublikası ilə Çin Xalq Respublikası arasında nəqliyyat üzrə işçi qrupunun yaradılması məqsədilə ölkəmizdə səfərdə olan Çin nümayəndə heyəti ilə geniş tərkibli görüş keçirilib.

Nəqliyyat, Rabitə və Yüksək Texnologiyalar Nazirliyindən AZƏRTAC-a bildirilib ki, görüşdə Azərbaycan nümayəndə heyətinə Nəqliyyat, Rabitə və Yüksək Texnologiyalar nazirinin müavini Elmir Vəlizadə, Çin nümayəndə heyətinə Nəqliyyat Nazirliyinin Nəqliyyat Xidmətləri Departamentinin Baş direktoru Xu Yahua rəhbərlik edib.

Görüş zamanı Çindən Avropaya və əks-istiqamətdə yükdaşımaları zamanı mərkəzi dəhlizin imkanlarından istifadənin təşviqi, Transxəzər Beynəlxalq Nəqliyyat Marşrutu ilə konteyner daşımalarına Çin əyalətləri tərəfindən subsidiyaların ayrılması, Bakı-Tbilisi-Qars yeni dəmir yolunun və Bakı Beynəlxalq Dəniz Ticarət Limanının imkanlarından istifadənin genişləndirilməsi müzakirə olunub.

Eyni zamanda, Azərbaycan Respublikası Hökuməti və Çin Xalq Respublikası Hökuməti arasında baxılmaqda olan beynəlxalq avtomobil daşımaları və kombinə edilmiş yükdaşımaları haqqında Saziş layihələri üzrə danışıqların davam etdirilməsi və digər aktual məsələlər barədə fikir mübadiləsi aparılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.