DÜNYA


Çin Beynəlxalq İdxal Sərgisi üçün xüsusi məhkəmə fəaliyyətə başlayıb

Pekin, 9 oktyabr, AZƏRTAC

Şanxayda keçiriləcək birinci Çin Beynəlxalq İdxal Sərgisi üçün xüsusi məhkəmə fəaliyyətə başlayıb.

AZƏRTAC sərginin təşkilat komitəsinə istinadla xəbər verir ki, məhkəmə Çin tarixində ən böyük idxal sərgisi ilə bağlı bütün mülki və iqtisadi məsələlərə baxacaq. Məhkəmə iş prosesində beynəlxalq ticarət qanunlarını və qaydalarını əsas götürməklə həm yerli, həm də xarici kommersiya subyektlərinin hüquqlarının təminatına çalışacaq. Artıq məhkəmənin Çin və ingilis dillərində internet səhifəsi də fəaliyyətə başlayıb.

Qeyd edək ki, Azərbaycan da daxil olmaqla 130 ölkədən 2800 şirkət noyabrın 5-10-da Çin Beynəlxalq İdxal Sərgisində öz məhsullarını təqdim edəcək.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.