ELM VƏ TƏHSİL


Çin dilinin tədrisində innovativ metodların tətbiqi ilə bağlı müzakirələr aparılıb

Bakı, 18 yanvar, AZƏRTAC

Azərbaycan Dillər Universitetinin (ADU) nəzdində fəaliyyət göstərən Konfutsi İnstitutu "Çin dilinin onlayn tədrisi" mövzusunda seminar keçirib.

ADU-dan AZƏRTAC-a bildirilib ki, seminarda Çin tərəfdən Konfutsi İnstitutunun direktoru xanım Li Jihua Çin dilinin onlayn tədrisinin aktual təşkilati, texniki və metodoloji problemlərinin həlli ilə bağlı çinli müəllimlərinin təcrübəsindən danışıb.

Azərbaycan tərəfdən Konfutsi İnstitutunun direktoru Rafiq Abbasov isə Çin dilinin onlayn tədrisinin perspektivlərindən, həmçinin Çin mədəniyyətinin öyrənilməsinin əhəmiyyətindən bəhs edib.

Konfutsi İnstitutunun müəllimi xanım Çen Xiaojen ötən tədris ilinin yekununa nəzər salıb, Azərbaycan Dövlət İqtisad Universitetində distant kurslarda Çin dilinin tədrisi ilə bağlı müəllif metodunu bölüşərək yeni semestr üçün nəzərdə tutulmuş planları təqdim edib.

Konfutsi İnstitutunun müəllimləri Zhao Jingrui və Yang Yingjiao əsasən Çin dilinin onlayn öyrənilməsinə tematik əlavələr, Çin hərflərinin öyrənilməsi üzrə onlayn kursun keçirilməsi, Çin dilinin onlayn tədrisi üçün innovativ metod və texnologiyaların tətbiqi ilə bağlı təkliflər irəli sürüblər.

Seminarın sonunda Çin dilinin tədrisində innovativ metodların tətbiqinə dair geniş fikir mübadiləsi aparılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.