İDMAN


Çin futbol üzrə Asiya kuboku yarışlarına ev sahibliyindən imtina edib

Bakı, 14 may, AZƏRTAC

Çin 2023-cü ildə keçirilməsi planlaşdırılan futbol üzrə Asiya kuboku yarışlarına ev sahibliyindən imtina edib.

AZƏRTAC xəbər verir ki, buna koronavirus pandemiyasının ölkənin sosial-iqtisadi vəziyyətinə təsiri səbəb olub.

Təşkilat Komitəsinin növbədənkənar iclasından sonra yarışın Çində gerçəkləşməyəcəyi açıqlanıb. Asiya Futbol Konfederasiyası yarış ilə bağlı yeni qərarın yaxın günlərdə ictimaiyyətə təqdim olunacağını diqqətə çatdırıb.

Qeyd edək ki, turnir 2023-cü il iyunun 16-dan iyulun 16-dək keçirilməli idi. Çin artıq yarışa hazırlığın bir neçə mərhələsini keçib və turnirin loqosunu da təqdim etmişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.