DÜNYA


Çin lideri orduya döyüş hazırlığını yüksəltməyi tapşırıb

Pekin, 25 avqust, AZƏRTAC

Çin Xalq Respublikasının Sədri Si Cinpin orduya döyüş qabiliyyətini və hazırlığını yüksəltməyi davam etdirməyi tapşırıb.

AZƏRTAC xəbər verir ki, Si Cinpin Çin Xalq Azadlıq Ordusu hərbi hava qüvvələrinin Qansu vilayətində yerləşən bazasındakı şəraitlə tanış olarkən hərbçilərə belə bir tapşırıq verib. O, silahlı qüvvələrin Çin Kommunist Partiyasının güclü ordu quruculuğu ilə bağlı nəzəriyyəsini, habelə ölkənin müdafiə strategiyasını və siyasətini tam dərk etməli və həyata keçirməli olduğunu deyib.

Sədr Si Cinpin ordunun oktyabrda ÇXR-in yaranmasının 70-ci ildönümünü yeni nailiyyətlərlə qeyd etməyə çağırıb. O, hərbi hava qüvvələrinin bazasında xidmətin gedişi ilə tanış olub, bazanın fəaliyyəti və təlimləri barədə məlumatlandırılıb.

ÇXR lideri təlimləri real döyüş şəraitinə maksimum yaxın şəraitdə keçirilməyi tövsiyə edib.

Çində silahlı qüvvələrin ən yuxarı idarəetmə orqanı Mərkəzi Hərbi Şuradır. Onun hazırkı sədri Çin Xalq Respublikasının Sədri, Kommunist Partiyası Mərkəzi Komitəsinin baş katibi Si Cinpindir.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.