DÜNYA


Çin orbitə yeni meteorologiya peyki göndərib

Pekin, 15 noyabr, AZƏRTAC

Çin orbitə “Fengyun-3D” adlı özünün yeni nəsil meteorologiya peykini göndərib.

AZƏRTAC xəbər verir ki, noyabrın 15-də yerli vaxtla saat 2:35-də Tayyuan şəhərindəki kosmodromdan peykin buraxılışı olub. Peyki orbitə “Long March-4C” daşıyıcı raketi aparıb.

Qütb orbitində hərəkət edəcək “Fengyun-3D” müxtəlif hava şəraiti ilə əlaqədar çoxspektrli üçölçülü şəkillər təmin edə biləcək. Yeni peyk 2013-cü ildə orbitə buraxılan “Fengyun-3C” peyki ilə şəbəkə halında çalışacaq.

Peyki və daşıyıcı raketi Çin Aerokosmik Elm və Texnologiya Korporasiyanın nəzdində fəaliyyət göstərən Şanxay Kosmik Uçuşlar Texnologiyası Akademiyasının mütəxəssisləri hazırlayıblar.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.