DÜNYA


Çin və ABŞ arasında ticarətin həcmi 14,8 faiz azalıb

Bakı, 14 oktyabr, AZƏRTAC

İlin əvvəlindən sentyabr ayı da daxil olmaqla, Çin və ABŞ-da illik əmsalda əmtəə dövriyyəsi 14,8 faiz azalaraq 402,66 milyard dollar təşkil edib.

AZƏRTAC xəbər verir ki, bu barədə ÇXR-in Baş Gömrük İdarəsinin rəsmi nümayəndəsi Li Kuyven mətbuat konfransında deyib.

Açıqlanan məlumata əsasən, həmin dövr ərzində Çinin ABŞ-a ixracatı 10,7 faiz azalaraq 312 milyard dollara, idxalı isə 26,4 faiz azalaraq 90,66 milyard dollara enib.

Li Kuyven, həmçinin oktyabrın 10-11-də Çin-ABŞ iqtisadi-ticarət danışıqlarının növbəti raundunun keçirildiyini və bəzi istiqamətlərdə real irəliləyişə nail olunduğunu xatırladıb.

2017-ci ildə Çin və ABŞ arasında əmtəə mübadiləsi 12,3 faiz artaraq 583,7 milyard dollar təşkil edirdi. Bununla yanaşı, Çindən ABŞ-a ixracat həcmi 11,5 faiz çoxalaraq 429,8 milyard dollara, ABŞ-dan mal idxalı isə 14,5 faiz artaraq 153,9 milyard dollara qədər yüksəlmişdi.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.