QAN YADDAŞI


Çində 20 Yanvar şəhidlərinin xatirəsi anılıb VİDEO

Pekin, 19 yanvar, AZƏRTAC

Azərbaycan Respublikasının Çin Xalq Respublikasındakı (ÇXR) səfirliyində 20 Yanvar hadisələrinin ildönümünə həsr olunmuş anım mərasimi keçirilib.

AZƏRTAC xəbər verir ki, Çində yaşayan soydaşlarımızın və tələbələrin iştirak etdikləri tədbirdə 20 Yanvar şəhidlərinin xatirəsi bir dəqiqəlik sükutla yad edilib.

Ölkəmizin ÇXR-dəki səfiri Əkrəm Zeynallı 1990-cı ilin yanvarında baş verən faciə haqqında danışaraq qeyd edib ki, 20 Yanvar faciəsi müasir tariximizdə ən qanlı günlərdən biri, eyni zamanda, xalqımızın qəhrəmanlıq səhifəsidir. Sovet rəhbərliyinin azadlıq uğrunda mübarizəyə qalxmış Azərbaycan xalqını silah gücünə susdurmaq niyyəti insan tələfatı ilə nəticələnsə də, xalqımızın iradəsini qıra, azadlıq eşqini söndürə bilmədi.

Səfir Ə.Zeynallı unudulması mümkün olmayan, insanlığa qarşı törədilən bu qatı cinayətin hər dəfə ürəkağrısı ilə, dərin hüznlə yad edildiyini bildirib. Bu hadisələr bir daha nümayiş etdirdi ki, xalqımız müstəqilliyi, azadlığı uğurunda mübarizə aparmaq əzmindədir.

Bildirilib ki, o dövrdə ulu öndər Heydər Əliyev bu qanlı hadisələrlə bağlı Moskvada Azərbaycan xalqı adından sərt bəyanat verib, 20 Yanvar hadisələrində xalqımıza qarşı törədilən qırğına siyasi qiymət verilməsini və günahkarların cəzalandırılmasını tələb edib. Ümummilli lider Heydər Əliyevin Azərbaycanda siyasi hakimiyyətə qayıdışından sonra 20 Yanvar faciəsini törədənlərin adları rəsmi şəkildə açıqlandı, hadisə öz hüquqi-siyasi qiymətini aldı.

Tədbirin sonunda 20 Yanvar faciəsindən bəhs edən film nümayiş olunub. Bundan başqa, tədbir iştirakçıları o müdhiş gecədə baş verən hadisələri əks etdirən fotosərgiyə baxıblar.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.