DÜNYA


Çində “5G” istifadəçilərinin sayı 60 milyonu ötüb

Bakı, 9 sentyabr, AZƏRTAC

Hazırda Çin beşinci nəsil mobil rabitə şəbəkələrinin (“5G”) yayılması tempinə görə bütün ölkələri üstələyir. İlin sonunadək ölkədə 500 min “5G” baza stansiyasının qurulması planlaşdırılıb. Artıq Çin qarşıya qoyulan vəzifənin 96 faizini yerinə yetirib.

AZƏRTAC xarici saytlara istinadla xəbər verir ki, hazırda Çində istismara verilən “5G” baza stansiyalarının sayı 480 mini ötüb. Koronavirus pandemiyasının tüğyan etməsinə baxmayaraq, ölkədə böhran dövründə iqtisadiyyatın gücləndirilməsi və iqtisadi artımın stimullaşdırılması davam edib.

Sənaye və İnformasiya Texnologiyaları Nazirliyinin direktoru Ven Kunun sözlərinə görə, Çinin materik hissəsində “5G” şəbəkələrinə 100 milyon qurğu qoşulub.

Bundan başqa, Sənaye və İnformasiya Texnologiyaları naziri Syao Yatsin qeyd edib ki, ölkədə beşinci nəsil mobil rabitə şəbəkəsi istifadəçilərinin sayı 60 milyondan çoxdur. Onun sözlərinə görə, “5G” ən yüksək məlumat ötürmə sürəti təklif edir. Texnologiya “Əşyalar interneti” (IoT), sürücüsüz avtomobillər, “ağıllı” şəhərlər və yeni mobil əlavələr üçün “birləşdirici toxuma” adlandırılır.

Çinin “Xiaomi”, “Huawei”, “Realme” və sair kimi smartfon istehsalçıları da “5G” texnologiyasının populyarlaşdırılmasında vacib rol oynayırlar. Artıq qiyməti 150 dollar (məsələn, “Realme V3”) olan “5G” dəstəkli ucuz smartfonlar satışa çıxarılıb. Həmçinin avqustda Şençjen şəhəri ölkədə ilk dəfə mövcud “4G” şəbəkəsi üzərində qurulmayan tam avtonom “5G” şəbəkəsi ilə əhatə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.