DÜNYA


Çində 8 min əvvələ aid yaşayış məntəqəsinin qalıqları tapılıb

Pekin, 1 noyabr, AZƏRTAC

Çinin Daxili Monqolustan Muxtar Rayonu ərazisində 8400-7800 il əvvələ aid olduğu güman edilən kəndin 16 evinin qalıqları tapılıb.

AZƏRTAC xəbər verir ki, arxeoloqlar paleolit və neolit dövrlərinin ortasında mövcud olan Yumin mədəniyyətinə aid elementlərin olduğu ev qalıqlarını Simaqou xarabalıqlarında aşkara çıxarıblar. Həmin ərazidə arxeoloji işlər 2014-cü ildən aparılır.

Burada müxtəlif ölçülərdə olan evlərin qalıqları ilə yanaşı, daşdan, sümükdən və gildən hazırlanan alətlər də daxil olmaqla 500-dən çox müxtəlif əşyalar tapılıb. Arxeoloqlar evlərin içində tapılan heyvan sümüklərinə istinad edərək, həmin ərzində yaşayanların ovçuluq və yığıcılıqla məşğul olduqlarını güman edirlər.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.