DÜNYA


Çində Yantzı çayına düşən avtobusda 15 nəfərin olduğu təsdiqlənib

Pekin, 29 oktyabr, AZƏRTAC

Çinin Çunçin şəhəri ərazisində oktyabrın 28-də körpüdən Yantzı çayına düşmüş avtobusun içərisində sürücü ilə birlikdə 15 nəfərin olduğu təsdiqlənib.

AZƏRTAC Çin KİV-lərinə istinadla xəbər verir ki, körpüdə hərəkət edərkən avtomobil ilə toqquşduqdan sonra çaya düşən avtobusun və onun içərisində olanların axtarışları bir sutkadan çoxdur davam edir. Hidrolokator texnologiyası vasitəsilə avtobusun körpüdən 28 metr aralıda, 71 metr dərinlikdə olduğu müəyyən edilib.

Hadisədən dərhal sonra 2 nəfərin cəsədi çaydan tapılmışdı. Hazırda digərlərinin axtarışları davam edir. Axtarış işlərinə min nəfər xilasedici, o cümlədən dalğıclar, 48 xilasedici gəmi və qayıq cəlb olunub. Bundan başqa, mütəxəssislər avtobusu suyun dibindən çıxartmaq üçün plan hazırlayırlar.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.