DÜNYA


Çində avtomobil satışlarında artım tempi davam edir

Pekin, 17 noyabr, AZƏRTAC

Dünyanın ən böyük avtomobil bazarı olan Çində ardıcıl 7 aydır avtomobil satışlarında artım davam edir.

AZƏRTAC xəbər verir ki, ötən ay ölkədə əvvəlki ilin eyni ayı ilə müqayisədə 12,5 faiz çox – 2,57 milyon avtomobil satılıb. Bu dövrdə ekoloji təmiz avtomobillərin satışı isə 2 dəfədən çox artıb.

Çin Avtomobil İstehsalçıları Assosiasiyasından verilən məlumata görə, ölkədə pandemiyanın mənfi təsirlərinin azalması fonunda iqtisadiyyatın bərpası avtomobil bazarının canlanmasına səbəb olub. Qlobal avtomobil istehsalçıları, o cümlədən “Toyota” və “Honda” Çindəki satışlardan yüksək qazanc proqnozlaşdırıb.

Qeyd edək ki, 18 il ardıcıl artımın ardından son 2 ildə dünyanın ən böyük avtomobil bazarı olan Çində avtomobil satışlarında azalma müşahidə olunub. 2018-ci ildə satış əvvəlki illə müqayisədə 2,8 faiz, ötən il isə 8,2 faiz azalıb. Cari ilin birinci rübündə pandemiya səbəbindən ölkədə həm istehsal, həm də satışlar xeyli azalmışdı.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.