DÜNYA


Çində avtovağzal binasının sürüşdürülməsi Ginnesin Rekordlar Kitabına düşüb VİDEO

Pekin, 17 sentyabr, AZƏRTAC

Çinin Siamen şəhərində 30 min tonluq avtovağzal binası xüsusi texnika vasitələrinin köməyi ilə 90 dərəcə sürüşdürülərək döndərilib.

AZƏRTAC xəbər verir ki, 170 ədəd "Boeing 747" təyyarəsi ağırlığında olan binanın sürüşdürülməsinə fevralda başlanılıb və proses aprelin 1-də başa çatıb. Onun ən kənar nöqtəsi 288 metr sürüşdürülüb. Binanın sürüşdürülməsinə səbəb onun Fucou və Siamen şəhərləri arasında çəkilməsi nəzərdə tutulan avtomagistrala mane olmasıdır. Layihədə iştirak edən şirkətlər binanın orijinal strukturunun qorunmasına diqqət yetiriblər. Ciddi texniki-mühəndis qaydalarına uyğun həyata keçirilmiş sürüşmə uğurla başa çatıb və bir şüşə də sınmayıb.

Ginnes dünya rekordları təşkilatı bu hadisəni araşdıraraq, onu bir binanın ən uzun qövs fırlanması kimi yeni rekord kimi qeydə alıb. Layihənin icrasında iştirak etmiş şirkətlərə Ginnesin rekordlar kitabının müvafiq sertifikatı təqdim olunub.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.