DÜNYA


Çində dünyanın ən böyük ticarət sərgilərindən biri işə başlayıb

Pekin, 15 oktyabr, AZƏRTAC

Çinin Quancou şəhərində dünyanın ən böyük ticarət sərgilərindən biri – Çin idxal və ixrac sərgisinin (Kanton sərgisi) payız sessiyası işə başlayıb.

AZƏRTAC xəbər verir ki, Çinin xarici ticarətinin barometri sayılan sərgi ziyarətçilərin və iştirakçı şirkətlərin, ticarət sövdələşmələrinin və nümayiş olunan məhsulların növ sayına görə ölkədə ən böyük bu cür tədbir hesab olunur. Ekspozisiya sahəsi 1,18 milyon kvadratmetr olan sərgidə 34 xarici ölkədən 636 firma öz məhsullarını nümayiş etdirir. Ümumilikdə 25 mindən çox iştirakçı üç mərhələdən ibarət sərgidə məhsullarına və xidmətlərinə müştəri axtaracaq.

Proqnozlara görə, sərgini 5 qitədən ümumilikdə 200 mindən çox alıcı ziyarət edəcək. Kanton sərgisinin bu ilin yaz sessiyasında ticarət sövdələşmələrinin ümumi dəyəri 30,08 milyard ABŞ dolları olmuşdu.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.