DÜNYA


Çində qəza baş vermiş qızıl mədənindən daha 10 şaxtaçı çıxarılıb VİDEO

Pekin, 24 yanvar, AZƏRTAC

Çinin Şandon vilayətində qızıl mədənində baş verən partlayışdan sonra 14 gündür dağıntılar altında qalan şaxtaçıların artıq 11-i mədəndən çıxarılıb.

AZƏRTAC xəbər verir ki, təxminən 600 metr dərinlikdə qalan şaxtaçıların xilas edilməsi üçün qazılmış quyu vasitəsilə yanvarın 24-də yerli vaxtla saat 11:00 radələrində (Bakı vaxtı ilə 7:00) bir şaxtaçı çıxarılıb. Xilasetmə əməliyyatının davamında daha 10 şaxtaçı xilas edilib. Fiziki cəhətdən xeyli zəifləyən şaxtaçılar dərhal xəstəxanalara yerləşdiriliblər. Hazırda digər şaxtaçıların yerinin müəyyənləşdirilməsi istiqamətində işlər davam etdirilir. Axtarış-xilasetmə işlərinə 630 nəfər canlı qüvvə, 400-dən çox texnika cəlb olunub.

Qeyd edək ki, Çisia şəhərində özəl şirkətlərdən birinə məxsus mədəndə yanvarın 10-da günorta vaxtı partlayış baş verməsi nəticəsində 22 şaxtaçı ilə əlaqə kəsilmişdi. Şəhərin fövqəladə hallar departamentinə bu barədə məlumat yanvarın 11-i axşam verilib. Dərhal axtarış işlərinə başlanılıb. Yanvarın 17-də 12 şaxtaçının yeri müəyyən edilib, dar quyu vasitəsilə onlara telefon, ərzaq, dərman və tibbi ləvazimatlar ötürülüb. Bir neçə gün əvvəl komaya düşmüş bir şaxtaçının öldüyü təsdiqlənib.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.