DÜNYA


Çində qızıl mədənində dağıntı altında qalan şaxtaçılardan biri ölüb

Pekin, 21 yanvar, AZƏRTAC

Çinin Şandon vilayətində qızıl mədənində baş verən partlayışdan sonra mədəndə köməksiz vəziyyətdə qalan 22 şaxtaçıdan birinin öldüyü təsdiqlənib.

AZƏRTAC xəbər verir ki, yanvarın 10-da baş verən partlayışdan sonra mədəndə bir neçə yüz metr dərinlikdə qalan şaxtaçıların axtarış işləri zamanı 12 nəfərin yeri müəyyən olunub. Qazılmış kiçik kanal vasitəsilə onlarla əlaqə yaradılıb, telefon, ərzaq və dərmanlar ötürülüb. Onlardan biri yanvarın 19-da koma vəziyyətinə düşüb. Ölən şəxsin də həmin şaxtaçı olduğu bildirilir.

Hazırda mədəndəki şaxtaçıların xilası üçün işlər sürətlə davam etdirilir. Şaxtaçıların xilası üçün 70 santimetr diametrində 2 quyu qazılır. Quyunun 10 günə hazır olacağı güman olunur.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.