DÜNYA


Çində uşaq bağçasına hücum edən şəxs 3 nəfəri qətlə yetirib

Pekin, 3 avqust, AZƏRTAC

Çinin Ciansi vilayətində uşaq bağçasına hücum edən şəxs bıçaqla 3 nəfəri qətlə yetirib, 6 nəfəri yaralayıb.

AZƏRTAC polisin açıqlamasına istinadla xəbər verir ki, hadisə yerli vaxtla saat 10:22-də Cien şəhərinin Anfu rayonunda baş verib. Cinayəti törətməkdə şübhəli bilinən 48 yaşlı şəxsin saxlanılması üçün polis axtarışa başlayıb. Hadisənin hansı səbəbdən baş verdiyi bilinmir.

Qeyd edək ki, Çində ötən illərdə bir neçə dəfə uşaq bağçasına soyuq silahlı hücum nəticəsində ölüm və yaralanma halları qeydə alınıb.

Keçən ilin aprelində Quansi-Cuan muxtar rayonunda naməlum şəxs uşaq bağçasına hücum edərək, 16 uşaq və iki tərbiyəçini bıçaqla yaralamışdı.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.