DÜNYA


Çində xarici sərmayələr haqqında yeni qanun qəbul edilib

Pekin, 15 mart, AZƏRTAC

Pekində 13-cü çağırış Ümumçin Xalq Nümayəndələri Yığıncağının ikinci sessiyasının sonuncu günündə xarici sərmayələr haqqında qanun qəbul olunub.

AZƏRTAC xəbər verir ki, xarici sərmayəçilər üçün daha yaxşı biznes mühitinin təmin olunmasına və onların müdafiəsinə yönələn qanun xarici sərmayə siyasətinin şəffaflığını, xarici şirkətlərə bazar yarışında bərabər şəraiti təmin etmək məqsədi daşıyır. Qanuna əsasən, dövlət qurumları xarici sərmayəçilərin və xarici kapitallı şirkətlərin hüquqlarını, o cümlədən intellektual hüquqlarını qoruyacaq. Yeni qanunun gələn il yanvarın 1-dən qüvvəyə minməsi ilə 1979-cu və 1980-ci illərdə qəbul olunmuş oxşar üç qanun qüvvədən düşəcək.

Qeyd edək ki, 2018-ci ilin sonuna olan məlumata əsasən, Çində təxminən 960 min xarici kapitallı şirkət fəaliyyət göstərir. Ümumi birbaşa xarici kapital 2,1 trilyon dolları ötüb.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.