DÜNYA


Çində yanacaq avtomobilinin partlaması nəticəsində ölənlərin sayı 10-na yüksəlib VİDEO

Pekin, 13 iyun, AZƏRTAC

Çinin Cıcian vilayətində sıxılmış təbii qaz daşıyan avtomobilin alovlanaraq partlaması nəticəsində ölənlərin sayı 10 nəfərə, xəsarət alanların sayı isə 117-yə yüksəlib.

AZƏRTAC xəbər verir ki, hadisə yerinə təcili yardım briqadaları, 450 yanğınsöndürən cəlb olunub. Hazırda axtarış-xilasetmə işləri davam edir.

Qeyd edək ki, Şenyan-Haykou avtomagistralının Venlin şəhərindən keçən hissəsində yerli vaxtla 16:40-da avtosistern alışaraq partlayıb. Alov ətrafdakı avtomobillərə də yayılıb. Partlayışın gücündən yaxınlıqda yerləşən yaşayış binalarına və digər tikililərə ciddi ziyan dəyib.

Yerli hakimiyyət orqanlarının hadisə ilə bağlı ilk açıqlamasında 4 nəfərin öldüyü, 50 nəfərin yaralandığı bildirilmişdi.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.