DÜNYA


Çinin sənaye və informasiya texnologiyaları naziri haqqında təhqiqat başlanıb

Pekin, 28 iyul, AZƏRTAC

Çinin İntizam Nəzarəti Dövlət Komissiyası ölkənin sənaye və informasiya texnologiyaları naziri Siao Yaçin haqqında təhqiqata başlayıb.

AZƏRTAC komissiyanın məlumatına istinadla xəbər verir ki, nazir intizamı və qanunları pozmaqda şübhəli bilinir. Təhqiqat barədə detallı məlumat verilmir. 62 yaşlı nazir daha əvvəl Bazar Tənzimlənməsi Administrasiyasının rəhbəri vəzifəsində çalışıb. 2020-ci ilin avqustunda isə sənaye və informasiya texnologiyaları naziri təyin olunub.

Siao Yaçinin adı Çin Kommunist Partiyasının (ÇKP) oktyabrda keçiriləcək 20-ci qurultayına seçilən nümayəndələrin bir neçə gün əvvəl açıqlanan siyahısında olmayıb. Həmin qurultayda partiyanın baş katibi vəzifəsinə seçki keçiriləcək.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.