DÜNYA


Çinin xarici işlər naziri yapon həmkarını Pekinə rəsmi səfərə dəvət edib

Tokio, 21 noyabr, AZƏRTAC

Çinin xarici işlər naziri Van İ Yaponiyanın xarici işlər naziri Yoşimasa Hayaşini Pekinə rəsmi səfərə dəvət edib.

AZƏRTAC xəbər verir ki, bu barədə bazar günü televiziya proqramında məlumat verən Y.Hayaşi bu barədə təklifin çinli həmkarı tərəfindən telefon danışığı zamanı səsləndiyini bildirib.

Noyabrın 10-da Yaponiyanın yeni xarici işlər naziri təyin edilən Y.Hayaşi həmçinin qeyd edib ki, telefon danışığı zamanı iki ölkə arasında əməkdaşlığın sabitləşməsinin zəruriliyindən bəhs olunub.

Yapon nazirin çinli həmkarının dəvəti ilə bağlı hələlik danışıqlara başlanılmadığını bildirən Y.Hayaşi, həmçinin gələn ilin fevralında Pekində təşkil ediləcək Qış Olimpiya Oyunları ilə bağlı diplomatik boykot barədə qərarın Yaponiya hökuməti tərəfindən baxılacağını deyib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.