DÜNYA


Çinli tələbə ABŞ hərbi bazasının şəklini icazəsiz çəkdiyi üçün azadlıqdan məhrum olunub

Bakı, 7 fevral, AZƏRTAC

Çinli tələbə ABŞ Müdafiə Nazirliyinin Floridadakı bazasının şəklini icazəsiz çəkdiyi üçün həbs olunub.

AZƏRTAC CNN-ə istinadla xəbər verir ki, sentyabrın 26-da həbs olunan 20 yaşlı Jao Qianli məhkəməyə çıxarılıb və o, bir il müddətinə azadlıqdan məhrum edilib. Məhkəmədə bildirilib ki, J.Qianli Ki-Uest hərbi dəniz aerodromunda yerləşən bazaya hasarı aşaraq daxil olub. Həmin ərazi isə üzərində “Giriş qadağandır!” yazıları olan hasarla əhatə olunub.

Çinin Cənub Universitetinin tələbəsi olan Jao Qianli ABŞ-da yay mübadilə proqramı çərçivəsində musiqişünaslıq üzrə təhsil alırdı. Onun sözlərinə görə, təhsil proqramı başa çatdıqdan sonra Floridaya gəzməyə gedib. Jao Qianli bazaya təsadüfən keçdiyini, yolunu azdığı deyib.

Lakin polis tələbənin telefonundan hərbi bazadakı obyektlərin şəkillərini, videolarını tapıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.