İDMAN


Çövkən milli atüstü oyunu üzrə Prezident kuboku uğrunda turnirin püşkü atılıb

Bakı, 5 dekabr, AZƏRTAC

Dekabrın 5-də çövkən milli atüstü oyunu üzrə Prezident kuboku uğrunda turnirin püşkü atılıb.

Azərbaycan Respublikası Atçılıq Federasiyasından (ARAF) AZƏRTAC-a bildiriblər ki, turnir dekabrın 11-13-də və 22-23-də keçiriləcək.

Püşkatma mərasimindən əvvəl çövkən milli atüstü oyunu haqqında əsasnaməyə edilmiş yeniliklər və dəyişikliklər barədə komanda üzvlərinə məlumat verilib.

Turnirə qatılan səkkiz komanda püşkün nəticələrinə əsasən iki qrupda yer alıb. A qrupunda “Sərhədçi”, “Buta Golden”, “Ağstafa” və “Murad”, B qrupunda isə “Polad”, “Omar”, “Qarabağ” və “Köhlən” komandaları mübarizə aparacaqlar.

Artıq yeddinci dəfə təşkil olunan Prezident kuboku uğrunda turnirin məqsədi milli atüstü oyunlarımızın qorunub saxlanılması, xalqımızın qədim tarixə malik atçılıq ənənələrinin bərpası, gənc nəsildə bu sahəyə maraq oyadılmasıdır.

Qarabağ atı ilə oynanan çövkən milli atüstü oyunu Heydər Əliyev Fondunun dəstəyi ilə UNESCO-nun qeyri-maddi mədəni irs siyahısına daxil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.