“Cadugər” serialının üçüncü sezonunun istehsalı dayandırılıb

Bakı, 28 iyul, AZƏRTAC

“Netflix” COVID-19 səbəbi ilə “Cadugər” serialının üçüncü mövsüm bölümlərinin çəkilişlərini dayandırıb.

AZƏRTAC xarici KİV-lərə istinadla xəbər verir ki, çəkilişləri bu ilin aprelində başlayan serialın qarşıdan gələn üçüncü sezonunun premyera tarixi hələ müəyyən edilməyib.

Xatırladaq ki, “Cadugər” serialının ilk mövsümünün premyerası 2019-cu ilin dekabrında olub.

Məşhur ekran əsərində anadangəlmə döyüşçü olan Qalatinin özü Nilfgaard uğrunda döyüşən “Skoya'tael” adlı partizan ordusuna rəhbərlik edir. Həqiqəti danışmaqdan qorxmayan Qalatinin öz xalqına sədaqəti sonda onu Françeska ilə hakimiyyət uğrunda münaqişəyə aparır.