DÜNYA


Cakartaya uçan təyyarədə əqrəb sərnişinlər arasında çaxnaşmaya səbəb olub

Tokio, 19 fevral, AZƏRTAC 

İndoneziyada Pekanbaru-Cakarta reysi ilə uçan “Boeing-737” təyyarəsində əqrəb sərnişinlər arasında çaxnaşmaya səbəb olub.

AZƏRTAC “The Sun” nəşrinə istinadla xəbər verir ki, təqribən 12 düym uzunluğunda həşərat sərnişinlərdən biri yuxarı baqaj yerindən əl yükünü götürərkən plastik qapağın kənarına çıxıb.

Asiya meşə əqrəbi adlandırılan bu növün ən təhlükəli və zəhərli həşəratlardan biri olduğu bildirilir. Onun nə vaxtdan təyyarənin göyərtəsində olduğu məlum deyil. Qapağın kənarında görünən əqrəb sərnişinlər arasında çaxnaşma yaradıb.

Baş verən hadisənin şahidi olmuş Kərim Taslin adlı sərnişin bildirib ki, təyyarə endikdən sonra sərnişinlər əl yüklərini götürməyə başlayanda əqrəb onların başı üzərində görünüb. K.Taslin xidmət personalını çağırmaq üçün düyməni basdığını, lakin heç kimin ona yaxınlaşmadığını deyib. Bundan sonra o, çantasını götürərək təyyarəni təcili tərk edib.

Məlumatda qeyd edilir ki, sərnişinlər arasında çaxnaşma göyərtə bələdçilərinin hadisə yerinə yaxınlaşmasına imkan verməyib. Sərnişinlər təyyarəni tərk etdikdən sonra aeroportun əməkdaşları əqrəbi axtarmağa başlasalar da, onu tapmaq mümkün olmayıb.

Təyyarənin məxsus olduğu aviaşirkət isə həşəratın tezliklə tapılaraq laynerdən çıxarılacağını vəd edib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.