İDMAN


Canni De Byazi: Daha yaxşı oyun nümayiş etdirmək istəyirdik

Bakı, 18 noyabr, Nicat Məmmədov, AZƏRTAC

Bizim üçün vacib oyun idi. Çətin olacağını bilirdik. İlk hissədə rəqibin qol vurmaq şansları oldu. Qapıçımıza təşəkkür edirik, bizi real qoldan xilas etdi.

AZƏRTAC xəbər verir ki, bu fikirləri Azərbaycan millisinin baş məşqçisi Canni De Byazi Millətlər Liqasının VI turunda səfərdə Lüksemburqla qolsuz heç-heçə etdikləri matçdan sonra mətbuat konfransında deyib.

64 yaşlı mütəxəssis bildirib ki, Bədavi Hüseynovun zədələnməsi oyun planını pozub: “Onun əvəzlənməsindən sonra oyun planımız dəyişdi. Daha yaxşı oyun nümayiş etdirmək istəyirdik. Texniki və taktiki cəhətdən daha yaxşı oynaya bilərdik. Bunun üçün imkanlarımız var idi”.

İtaliyalı baş məşqçinin sözlərinə görə, koronavirus pandemiyası da planları pozub: “Qrupun ilk oyununa daha yaxşı hazırlaşa bilmədik. Bu komandanın potensialı var. Futbolçuları inandırmalı və onlarda qalib psixologiyasını formalaşdırmalıyıq. Düzgün yolda olduğumuzu düşünürəm. Nizam-intizamı olan və yeri gələndə aqressiv futbol oynamağı bacaran komandamız var.

Mart ayınadək rəsmi oyunlar yoxdur, rəhbərliklə danışmalıyq. Bəzi təşkilati işlər görüldükdən sonra yanvar ayının sonu-fevralın əvvəlində təlim-məşq toplanışı və iki yoxlama oyunu keçirməyi planlaşdırırıq”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.