DÜNYA


Cari ildə İranda 950 ton narkotik vasitə müsadirə olunub

Tehran, 17 fevral, AZƏRTAC

Cari ildə İranda 950 ton müxtəlif növ narkotik vasitələr müsadirə olunub.

AZƏRTAC xəbər verir ki, bu barədə İranın polis təşkilatının narkotik vasitələrin qanunsuz dövriyyəsinə qarşı mübarizə idarəsinin rəisi, general Məcid Kərimi məlumat verib.

O qeyd edib ki, narkotik vasitələr əsasən Əfqanıstandan qaçaqmalçılıq yolu ilə gətirilir. Bu səbəbdən polis əməkdaşları Əfqanıstan ilə sərhədboyu vilayətlərdə xüsusi əməliyyatlar keçirərək qaçaqmalçılığın qarşısını almağa çalışırlar.

General bildirib ki, narkotik qaçaqmalçıları İrandan tranzit ölkə kimi istifadə edirlər. Əfqanıstandan və Pakistandan İrana gətirilən narkotik vasitələr Körfəz ölkələrinə, Rusiyaya və Avropaya daşınır. Bu marşrutun qarşısını almaq məqsədilə təkcə ötən il həyata keçirilən əməliyyatlar zamanı 950 ton narkotik vasitə müsadirə olunaraq məhv edilib.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.