DÜNYA
Cari ildə Yaponiyada zəlzələlərin sayı əvvəlki illə müqayisədə artıb
Tokio, 30 dekabr, AZƏRTAC
Yaponiya Mərkəzi Meteorologiya Agentliyinin yaydığı məlumata görə, başa çatmaqda olan ildə gücü 1 baldan yuxarı olan 6566 zəlzələ qeydə alınıb.
Bu, əvvəlki illə müqayisədə 3,5 dəfə artıb. 2011-ci ilin martında baş verən dəhşətli zəlzələdən sonra orta hesabla ildə 10 mindən artıq yeraltı təkan baş verib. Zəlzələlərin sayı azalmaqda davam edib və 2015-ci ildə 1842 yeraltı təkan qeydə alınıb.
2016-cı ildə ölkədə bir neçə güclü yeraltı təkan baş verib. Belə ki, apreldə iki gün ara verməklə 6,5 və 7,3 bal gücündə iki güclü zəlzələ qeydə alınıb. Başa çatmaqda olan ildə baş vermiş 6566 zəlzələdən 3146-sı həmin ay Kumamoto və Oiça prefekturalarında olub. Meteoroloqlar həmin rayonlarda seysmik aktivliyi Kumamotoda baş vermiş zəlzələnin afterşokları kimi qiymətləndiriblər.
Bundan əlavə, Fukuşimada da 7,4 bal gücündə zəlzələ baş verib. Həmin yeraltı təkan 1,5 metr hündürlüyündə sunami dalğalarının yaranmasına səbəb olub.
Cari ildə son zəlzələ dekabrın 28-də 6,3 bal gücündə İbaraki prefekturasında qeydə alınıb.
Meteoroloqlar xəbərdarlıq edərək bildirirlər ki, güclü zəlzələ istənilən vaxt Yaponiyanın istənilən ərazisində baş verə bilər, buna görə də əhali hər gün təbii fəlakətə hazır olmalıdır.
Vüqar Ağayev
AZƏRTAC-ın xüsusi müxbiri
Tokio
MÜƏLLİFLƏ ƏLAQƏ
Bölmənin digər xəbərləri
- 24.04.2024 [21:08]
ABŞ-ın Ukraynaya yeni hərbi yardım paketinin dəyəri bir milyard dollardır
- 24.04.2024 [20:27]
ABŞ Prezidenti Ukraynaya hərbi yardım haqqında qanunu imzalayıb
- 24.04.2024 [17:50]
İsrail aviasiyası Livanın cənubuna 14 hava hücumu həyata keçirib
- 24.04.2024 [16:26]
Almaniya Prezidenti Türkiyədə rəsmi səfərdədir
- 24.04.2024 [16:18]
Türkiyə yeni amfibiya gəmisinin dizayn işlərinə başlayıb
- 24.04.2024 [16:02]
Türkiyə XİN 1915-ci il hadisələri ilə bağlı bəyanat yayıb
- 24.04.2024 [14:57]
ABŞ Gürcüstana 13 milyon dollarlıq hərbi-texniki yardım edib
- 24.04.2024 [14:48]