Cari ilin noyabrında bəzi inşaat materiallarının qiyməti dəyişmişdir

Bakı, 9 dekabr (AZƏRTAC). Cari ilin noyabrında bəzi tikinti materiallarının qiymətində dəyişiklik müşahidə edilmişdir.

Dövlət Statistika Komitəsindən AZƏRTAC-a bildirmişlər ki, inşaat materiallarından nitro və yağlı boyaların, divar kağızlarının, kəsilmiş taxtaların, ağac lifli lövhələrin, parket və laminat parketin, kərpicin, mebellərdən mətbəx üçün mebel dəstinin, mətbəx üçün kətilin qiymətləri bahalaşmışdır.

Həmin dövrdə parket üçün lakın, pəncərə şüşəsinin, ağac yonqar lövhələrin, sementin, metal kirəmitin, mebellərdən mətbəx üçün masanın qiymətləri isə ucuzlaşmışdır.