Cari ilin yanvar-noyabr aylarında dəmir yolu ilə 21,2 milyon ton yük daşınmışdır

Bakı, 12 dekabr (AZƏRTAC). Cari ilin yanvar-noyabr aylarında Azərbaycanın dəmir yollarında 21,2 milyon ton yük daşınmışdır.

AZƏRTAC xəbər verir ki, bu sözləri “Azərbaycan Dəmir Yolları” Qapalı Səhmdar Cəmiyyətinin sədr müavini Qurban Nəzirov bildirmişdir.

Sədr müavini demişdir ki, 11 ayda yükdaşıma üzrə plan 104 faiz yerinə yetirilmişdir. Eyni zamanda, 2014-cü ildə istismara veriləcək Bakı-Tbilisi-Qars dəmir yolu xətti işə düşdükdən sonra yükdaşımalarda böyük artım müşahidə olunacaqdır.