İQTİSADİYYAT


“Caspian European Club” İcbari Tibbi Sığorta üzrə Dövlət Agentliyi ilə biznes-forum keçirəcək

Bakı, 10 avqust, AZƏRTAC

Avqustun 29-da “Caspain European Club” çərçivəsində Azərbaycan Respublikası İcbari Tibbi Sığorta üzrə Dövlət Agentliyinin sədri Zaur Əliyevin iştirakı ilə biznes-forum keçiriləcək.

Bu barədə AZƏRTAC-a “Caspian European Club”un sədrinin birinci müavini və baş icraçı direktoru Telman Əliyev məlumat verib.

Onun sözlərinə görə, “Caspian European Club”un sahə klubların iclasları çərçivəsində irəli sürülmüş təkliflərin müzakirəsi nəticəsində təşəbbüs göstərilmiş bu görüş iqtisadiyyatın müxtəlif sahələrini təmsil edən şirkətlərin xahişi ilə təşkil olunub. T.Əliyev biznes-forumda klub şirkətlərinin rəhbərlərinin icbari tibbi sığorta sahəsi ilə bağlı təşəbbüs və təkliflərinin müzakirə olunacağını əlavə edib. Qeyd edib ki, forum çərçivəsində biznesmenlərə onları maraqlandıran suallara cavab tapmaq imkanı yaradılacaq.

“İcbari Tibbi Sığorta üzrə Dövlət Agentliyi və agentliyin sədri biznes-hakimiyyət dialoqunda fəal iştirak edir. Şirkətlərin müraciət etdikləri bütün xahiş, problem və təkliflərə operativ reaksiya göstərirlər. Ümid edirəm ki, əməkdaşlıq bu formatda gələcəkdə də davam edəcək”, - deyə T.Əliyev bildirib.

Biznes-forumda “Caspian European Club”un saytında http://www.caspianenergy.org/index.php/2018-01-09-13-22-37/registration/item/340-business-forum-29-08-2018 linki üzrə qeydiyyatdan keçmiş şirkətlər iştirak edə bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.