İQTİSADİYYAT


“Caspian European Club”un bu ilin sonunadək olan tədbirlər planı təsdiqlənib

Bakı, 12 sentyabr, AZƏRTAC 

“Caspian European Club” və “Caspian American Club”un İcraiyyə Komitəsi tərəfindən 2017-ci ilin sonunadək keçirilməsi nəzərdə tutulan tədbirlər planı təsdiqlənib və rəsmi saytda (www.caspianenergy.org) dərc olunub.

Bu barədə AZƏRTAC-a “Caspian European Club” və “Caspian American Club”un sədrinin birinci müavini və baş icraçı direktoru Telman Əliyev məlumat verib.

Telman Əliyevin sözlərinə görə, təsdiqlənmiş proqrama əsasən, hər ayın üçüncü çərşənbə günü “CEO Lunch Baku” və hər ayın sonuncu cümə günü “CEO Lunch Tbilisi” təşkil olunacaq. Bu tədbirlər çərçivəsində hökumətin iqtisadi blokunu təmsil edən dövlət qurumlarının rəhbərləri, diplomatik nümayəndəliklərinin başçıları, CEIBC-nin üzv şirkətlərinin top-menecerləri arasında qeyri-rəsmi ünsiyyət qurulacaq. İlk “CEO Lunch Tbilisi” sentyabrın 29-da keçiriləcək.

“Caspian Energy Forum” çərçivəsində iqtisadiyyatın müxtəlif sahələri üzrə xüsusi sessiyalar təşkil olunacaq. “Caspian Energy Forum”un nəqliyyat və İKT sektoruna həsr olunmuş xüsusi sessiyalarında (Caspian Energy Transport & ICT Forum) iştirakla bağlı çoxsaylı müraciətlərlə əlaqədar olaraq, bu sessiyaların ayrıca təşkil olunması barədə qərar qəbul edilib. “Caspian Energy Transport Forum” planlaşdırıldığı kimi cari il sentyabrın 20-də, “Caspian Energy ICT Forum” isə 2018-ci ilin fevralında baş tutacaq.

Bundan əlavə, oktyabrın 11-də Bakıda “Vergi məcəlləsində dəyişikliklər” mövzusunda seminar təşkil olunacaq. Tədbiri “Barattson School of Business and Finance” tədris mərkəzinin nümayəndəsi Azər Qəmbərov aparacaq. Həmin günün ikinci yarısında “Caspian Energy Forum”un aqrosənaye və FMCG sektoruna (Caspian Energy Agro-Industry & FMCG Forum), oktyabrın 18-də isə turizm sektoruna həsr olunmuş xüsusi sessiyası (Caspian Energy Tourism Forum), həmçinin ənənəvi “CEO Lunch Baku” keçiriləcək.

Oktyabrın 25-də Gömrük Komitəsinin sədri Aydın Əliyevin iştirakı ilə biznes-forum, oktyabrın 27-də ikinci “CEO Lunch Tbilisi”, noyabrın 1-də “Caspian Energy Forum”un inşaat sektoruna həsr olunmuş xüsusi sessiya (Caspian Energy Construction Forum), noyabrın 15-də isə maliyyə sektoruna həsr olunmuş xüsusi sessiya (Caspian Energy Finance Forum) və ənənəvi “CEO Lunch Baku” təşkil olunacaq. Üçüncü “CEO Lunch Tbilisi” isə noyabrın 24-də baş tutacaq.

Bu il dekabrın 8-də Şimali və Cənubi Amerika, həmçinin Xəzər-Qara dəniz, Aralıq dənizi və Baltik regionu dövlətlərini təmsil edən şirkətlərin 300-dən çox nümayəndəsinin iştirak edəcəyi “Caspian American Forum Baku – 2017” təşkil olunacaq. Yuxarıda qeyd olunan tədbirlərdə qeydiyyatdan keçmək üçün linklər: http://www.caspianenergy.org/index.php/registration.

“Caspian Energy”, “Caspian Energy Forum”, “Caspian Energy Award”, “Caspian Energy Club”, “Caspian European Club”, “Caspian Business Club”, “Caspian American Club”, “Caspian American Forum”, CEO, “CEO Lunch”, “Brand Award” və digərləri qeydiyyatdan keçmiş ticarət markalarıdır və “Caspian Energy International Media Group”a məxsusdurlar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.