DÜNYA


Casusluqda ittiham olunan Britaniya vətəndaşı İranda on il müddətinə azadlıqdan məhrum edilib

Tehran, 25 yanvar, AZƏRTAC

Əslən avstraliyalı olan Böyük Britaniya vətəndaşı Kayli Mur Hilbert İranda on il müddətinə azadlıqdan məhrum edilib.

AZƏRTAC xəbər verir ki, bu barədə İran Xarici İşlər Nazirliyinin nümayəndəsi Abbas Musəvi deyib.

O, Avstraliya hökumətinin Kayli Mur Hilbertin azad edilməsi məsələsinin İranın Xarici İşlər naziri Məhəmməd Cavad Zərif ilə müzakirə olunmasına dair Qərb mətbuatında yayılan xəbərləri təkzib edib. Bildirib ki, K.Hilbert İranın milli təhlükəsizliyinə zərbə vuran hərəkətə yol verib. O, 2019-cu ildə Mark Firkin və Coli Kinq adlı dostları ilə İrana gələrək burada hərbi obyektlərin fotoşəkillərini çəkərkən yaxalanıblar. Onlar İrana qarşı casusluqda ittiham olunaraq 10 il müddətinə azadlıqdan məhrum ediliblər. Bir qədər sonra M.Firkin və C.Kinq azad edilərək ölkələrinə qayıdıblar. Lakin K.Hilbert həbsdə saxlanılıb. Avstraliya və Qərb dövlətlərinin müraciətlərinə baxmayaraq, İran K.Hilberti azad edilməyəcəyini bildirib.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.