ELM VƏ TƏHSİL
Cavid irsi məktəblilər arasında təbliğ edilir
Bakı, 4 noyabr, AZƏRTAC
Noyabrın 4-də Azərbaycan Milli Elmlər Akademiyasının Hüseyn Cavidin Ev Muzeyi və Azərbaycan Respublikasının Prezidenti yanında Gənclər Fondunun birgə təşkilatçılığı ilə Bakıdakı 1 nömrəli tam orta məktəbdə böyük şair və dramaturq Hüseyn Cavidin irsinin təbliği məqsədilə tədbir keçirilib.
Muzeydən AZƏRTAC-a bildiriblər ki, tədbir muzeyin əməkdaşı Fəridə Əliyevanın rəhbəri olduğu “Məktəbli yeniyetmələr arasında Hüseyn Cavid yaradıcılığının təbliği” adlı layihə çərçivəsində təşkil edilib.
Çıxış edənlər böyük sənətkar Hüseyn Cavidin həyat və yaradıcılığından, ölməz əsərlərinin (“Ana”, “Şeyx Sənan”, “İblis”, “Peyğəmbər”, “Səyavuş”, “Xəyyam” və s.) əhəmiyyətindən danışıblar.
Eyni zamanda, layihə çərçivəsində yeni nəşr olunmuş “Cavid hikməti: seçmə aforizmlər (Azərbaycan və ingilis dillərində)” kitabı haqqında məlumat verilib.
Sonda məktəblilərə kitablar hədiyyə olunub.
MÜƏLLİFLƏ ƏLAQƏ
Bölmənin digər xəbərləri
- 08.08.2023 [11:22]
Balaca bir damcı hər şeyi dəyişəcək: nanosensor istehsalında inqilab
- 03.08.2023 [04:43]
Böyük Britaniyada ilk dronlu poçt texnologiyası sınaqdan keçirilib
- 29.07.2023 [12:15]