Cəbhənin bir neçə istiqamətində atəşkəs rejimi pozulub VİDEO

Bakı, 27 sentyabr (AZƏRTAC). Ermənistan ordusunun bölmələri sentyabrın 26-da və 27-də gecə Ermənistanın İcevan rayonunun Berkaber kəndində yerləşən mövqelərdən Azərbaycan Ordusunun respublikamızın Qazax rayonunun Qızılhacılı kəndində yerləşən mövqelərini atəşə tutublar.

Müdafiə Nazirliyinin mətbuat xidmətindən AZƏRTAC-a bildiriblər ki, ermənilər Azərbaycan Respublikasının Ağdam rayonunun Yusifcanlı, Goranboy rayonunun Tap Qaraqoyunlu, Xocavənd rayonunun Kuropatkino, Tərtər rayonunun Qızıl Oba kəndləri yaxınlığında və adsız yüksəkliklərdə yerləşən mövqelərdən də Azərbaycan Silahlı Qüvvələrinin mövqeləri atəşə tutublar.

Düşmən cavab atəşi ilə susdurulub.