Cəmiyyətimizin bütün sferalarında qadınların rolu əvəzsizdir

Bakı, 5 mart, AZƏRTAC

Azərbaycan Dövlət Neft və Sənaye Universitetində (ADNSU) 8 mart - Beynəlxalq Qadınlar Günü münasibətilə tədbir keçirilib.

Bu barədə AZƏRTAC-a universitetdən məlumat verilib. Bildirilib ki, rektor Mustafa Babanlı universitetin xanım əməkdaşlarını təbrik edərək, cəmiyyətimizdə qadınların əvəzsiz rolundan danışıb. Qeyd edib ki, Azərbaycan xanımı, ana bizim üçün həmişə müqəddəs olub. Bu gün ölkəmizdə istər təhsil sahəsində olsun, istərsə də digər istiqamətlərdə çalışan xanımlar kifayət qədərdir. O, ümumilikdə xanımların əməyinin həm ailələrimizdə, həm də cəmiyyətin bütün sferalarında əvəzsiz olduğunu deyib.