DÜNYA


Cənub Qaz Dəhlizi layihəsində iştirak Gürcüstan üçün böyük məsuliyyətdir

Tbilisi, 3 dekabr, AZƏRTAC

Gürcüstan üçün Cənub Qaz Dəhlizi layihəsində iştirak böyük məsuliyyətdir. Gürcüstan bu layihədə iqtisadi və siyasi körpü rolunu oynayır.

AZƏRTAC xəbər verir ki, bu sözləri Gürcüstan Baş Nazirinin iqtisadi məsələlər üzrə müşaviri Beka Liluaşvili söyləyib.

Hökumət rəsmisi deyib ki, Gürcüstanın bu layihədə iştirakı yalnız coğrafi və infrastruktur baxımdan məhdudlaşmır. Ölkəmiz bu layihədə, həmçinin iqtisadi və siyasi körpü rolunu da oynayır. Cənub Qaz Dəhlizi layihəsi Gürcüstanın strateji tərəfdaşları olan Avropa İttifaqı və ABŞ-ın da maraqlarına uyğundur.

Onun sözlərinə görə, layihə Avropa İttifaqının enerji bazarının təhlükəsizliyinin artırılmasına yönəlib.

Qeyd edək ki, Cənub Qaz Dəhlizi layihəsi Xəzərin Azərbaycan sektorunda yerləşən “Şahdəniz” qaz-kondensat yatağının istismarının ikinci mərhələsi çərçivəsində hasil ediləcək qazın boru kəmərləri ilə Türkiyə və Avropaya nəqlini nəzərdə tutur.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.