DÜNYA
Cənubi Koreya İranın 7 milyard dollarının 30 milyonunu qaytarır
Tehran, 27 aprel, AZƏRTAC
İranın Cənubi Koreya banklarında dondurulan 7 milyard dollarının 30 milyon dolları azad edilib.
AZƏRTAC xəbər verir ki, bu barədə İranın ilə Cənubi Koreyanın birgə ticarət palatasının həmsədri Hüseyn Təngi deyib. Onun sözlərinə görə, tərəflər arasında aparılan danışıqların nəticəsi olaraq COVID-19-a qarşı peyvənd almaq üçün rəsmi Seul 30 milyon dolları azad edib.
Qeyd edək ki, İranın neft satışından əldə etdiyi 7 milyard dollar ABŞ–ın tətbiq etdiyi sanksiyalara görə Cənubi Koreyanın banklarında dondurulub. Rəsmi Seul İrana məxsus pulların banklarda qaldığını etiraf edir və qaytarmaq istəyində olduğunu bildirir. Lakin buna ABŞ-ın sanksiyalara imkan vermir. Koreya hökuməti İrana görə Vaşinqton ilə münasibətlərinə zərər vurmaq istəmir. Lakin qarşılıqlı razılaşmaya əsasən, hələlik 30 milyon dollar qaytarılıb.
Rabil Kətanov
AZƏRTAC-ın xüsusi müxbiri
Tehran