DÜNYA


Cənubi Koreya Yaponiyanı “Ağ siyahı”dan çıxarır

Bakı, 13 avqust, AZƏRTAC

Sentyabrda Cənubi Koreya Yaponiyanı ticarətin üstünlük verildiyi ölkələr siyahısından ("Ağ siyahı") çıxaracaq.

AZƏRTAC Yonhap agentliyinə istinadla xəbər verir ki, Seulun bu mövqeyi Yaponiyanın bir neçə gün əvvəl Cənubi Koreyaya qarşı tətbiq etdiyi oxşar qərara cavab xarakteri daşıyır. Cənubi Koreyanın Ticarət, Sənaye və Energetika Nazirliyinin bəyanatında deyilir ki, qarşı tərəfə ixrac üçün müvafiq icazələrin alınması ilə bağlı uzunmüddətli proseslər də daxil olmaqla daha sərt ticarət qaydaları tətbiq olunacaq.

Xatırladaq ki, avqustun 2-də Yaponiya hökuməti Cənubi Koreyanın “Ağ siyahı”dan çıxarılması barədə qərar qəbul edib. Yaponiya bu qərarın təhlükəsizliyin təmin edilməsi ilə əlaqədar ixraca nəzarət sisteminin islahatları ilə bağlı olduğunu bildirib. Lakin rəsmi Seul bunun əsarət illərində məcburi əməyə cəlb edilmiş koreyalıların varislərinə yapon şirkətlərinin kompensasiya ödəmək barədə Cənubi Koreya məhkəməsinin qəbul etdiyi qərarla əlaqədar olduğunu iddia edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.