DÜNYA


Cənubi Koreya da "Boeing 737 Max 8" təyyarələrinin istifadəsini dayandırıb

Bakı, 12 mart, AZƏRTAC

"Efiopiya Hava Yolları"na məxsus "Boeing 737 Max 8" təyyarəsinin qəzaya uğramasından sonra Cənubi Koreyanın "Eastar Jet" şirkəti də sərəncamında olan iki ədəd bu tip təyyarənin istifadəsini müvəqqəti olaraq dayandırıb.

AZƏRTAC xəbər verir ki, Cənubi Koreyanın ən böyük aşağı büdcəli aviasiya şirkətlərindən biri olan "Eastar Jet" bu qərarını təhlükəsizlik mülahizələri ilə əlaqədar qəbul etdiyini açıqlayıb. Ölkənin bu tip təyyarələrə malik yeganə şirkəti "Eastar Jet"in cari ildə daha 4 ədəd "Boeing 737 Max 8s" hava gəmisi almaq planı olub. "Korean Air", "Jeju Air" və "T'way Air" şirkətlərinin də bu tip təyyarələrin alınması ilə bağlı müqavilələri var.

Xatırladaq ki, Efiopiyada "Boeing 737 Max 8" təyyarəsinin qəzaya uğraması nəticəsində 35 ölkədən olan 157 nəfər həyatını itirib. Bu insidentdən sonra Çin, Efiopiya, İndoneziya, Sinqapur da daxil olmaqla bəzi ölkələr eyni tip təyyarələrin uçuşlarını dayandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.