DÜNYA


Cənubi Koreya kəşfiyyatı Kim Çen Inın oxşarı barədə şayiələri təkzib edib

Bakı, 28 oktyabr, AZƏRTAC

Şimali Koreya lideri Kim Çen In 20 kiloqram arıqlayıb, lakin onun səhhətində problemlər olduğuna dair əlamətlər müşahidə edilmir.

AZƏRTAC Yonhap informasiya agentliyinə istinadla xəbər verir ki, Koreya Respublikasının kəşfiyyat orqanları süni intellekt və digər elmi metodlarla Kim Çen Inın görüntülərini analiz edərək bu nəticəyə gəlib.

Cənubi Koreyanın kəşfiyyat idarəsi parlamentin qapalı iclasında Kim Çen Inın əvəzinə onun oxşarının ictimaiyyət qarşısına çıxdığı barədə şayiələri də təkzib edib.

Bir müddət öncə, ABŞ KİV-ində Kim Çen Inın bacısı tərəfindən hakimiyyətdən uzaqlaşdırıldığı və onu oxşarının əvəzlədiyi barədə məlumatlar dərc olunmuşdu.

Şimali Koreya lideri Kim Çen In 2011-ci ilin dekabrında atası Kim Çen İrin ölümündən sonra hakimiyyətə gəlib. Onun babası, KXDR dövlətinin qurucusu Kim İr Sen isə 1994-cü ildə vəfat edib. Şimali Koreyada hakimiyyət atadan oğula miras kimi ötürülür. Kim Çen Inın mümkün varisinin olub-olmadığı isə hələlik məlum deyil.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.