DÜNYA


Cənubi Koreyada binada baş verən yanğında 5 nəfər ölüb, 44 nəfər yaralanıb

Pekin, 5 avqust, AZƏRTAC

Cənubi Koreyanın İçon şəhərində dördmərtəbəli binada baş verən yanğın nəticəsində 5 nəfər ölüb, 44 nəfər xəsarət alıb.

AZƏRTAC Yonhap agentliyinə istinadla xəbər verir ki, hadisə yerli vaxtla səhər saat 10:17-də baş verib. Bildirilir ki, binanın yuxarı mərtəbəsində xəstəxana yerləşir. Yanğın baş verən vaxt xəstəxanada 46 nəfər, o cümlədən 33 pasiyent olub. Ölənlərdən 4-ü pasiyent, biri tibb bacısıdır. Bədən xəsarəti alanların və tüstüdən zəhərlənənlərin çoxu da xəstəxanadakılar olub. Onlardan dördünün vəziyyəti ağır qiymətləndirilir.

İlkin ehtimala əsasən, yanğın 3-cü mərtəbədəki monitorlu qolf oyunu otağından başlayıb. Yanğının söndürülməsinə 38 texnika, 100-dən çox yanğınsöndürən cəlb olunub. Təxminən bir saat sonra yanğın söndürülüb.

Hazırda binada axtarış-xilasetmə işləri aparılır.

 
Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.