DÜNYA


Cənubi Koreyada hərbi helikopter qəzaya uğrayıb

Pekin, 12 iyul, AZƏRTAC

Cənubi Koreya ordusuna məxsus “UH-60” tipli hərbi helikopterin qəzaya uğraması nəticəsində 5 nəfər xəsarət alıb.

AZƏRTAC Yonhap agentliyinə istinadla xəbər verir ki, hadisə iyulun 12-də yerli vaxtla saat 10:30 radələrində paytaxt Seuldan 46 kilometr məsafədə yerləşən Poçon şəhərindəki hərbi hissədə baş verib. Helikopter hərbi hissədən pasiyenti təxliyə etmək üçün eniş edərkən qəzaya uğrayıb. Heyət üzvündən 2 nəfərin zədəsi daha ciddi olsa da, onların heç birinin həyatı üçün təhlükə yoxdur. Helikopterə ciddi ziyan dəyib.

Cənubi Koreya silahlı qüvvələrindən bildiriblər ki, qəzadan sonra ordunun sərəncamındakı eyni tip helikopterlərin istifadəsi dayandırılıb və müvafiq araşdırma aparılır.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.