SİYASƏT


Ceyhun Bayramov: Münasibətləri normallaşdırmaq və inkişaf üçün zəmin yaratmaq hamıdan çox Ermənistana lazımdır

İstanbul, 7 iyun, AZƏRTAC

Ermənistan regionda ən məhdud nəqliyyat vasitələrinə malik ölkədir və bu səbəbdən Zəngəzur dəhlizi layihəsinin həyata keçirilməsi regionun digər ölkələri kimi, Ermənistan üçün də vacibdir.

AZƏRTAC xəbər verir ki, bu fikirləri Ankarada səfərdə olan Azərbaycanın xarici işlər naziri Ceyhun Bayramov Anadolu Agentliyinə müsahibəsində bildirib.

Azərbaycanla Ermənistan arasında münasibətlərin normallaşması ilə bağlı Ermənistandan bəzi müsbət mesajların gəldiyini qeyd edən Ceyhun Bayramov deyib: “Biz bunları müsbət addımlar kimi görürük. Bu istiqamətdə irəliləmək bütün region dövlətlərinin, xüsusən də Ermənistan və Azərbaycanın marağındadır. Qonşu ölkələr, Azərbaycan və Türkiyə ilə münasibətləri normallaşdırmaqla inkişafın zəminini yaratmaq hamıdan çox Ermənistana lazımdır. Çünki onun işğalçı və təcavüzkar siyasəti son 30 ildə Ermənistana fəlakətlərdən başqa heç nə gətirməyib. Ermənistan rəhbərliyi bunu anlamalı və düzgün nəticə çıxarmalıdır”.

Azərbaycanın qərb vilayətlərini quru və dəmir yolu ilə Ermənistan vasitəsilə birləşdirəcək Zəngəzur dəhlizi ilə bağlı danışıqlara toxunan nazir bu məsələ ilə bağlı hələlik yekun nəticənin olmadığını, Ermənistanın müxtəlif bəhanələrlə onu uzatmaqda davam etdiyini bildirib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.