ELM VƏ TƏHSİL


Coğrafiya İnstitutunun əməkdaşları məktəblilərlə görüşüblər

Bakı, 14 iyun, AZƏRTAC

AMEA-nın akademik Həsən Əliyev adına Coğrafiya İnstitutunun Gənc Alim və Mütəxəssislər Şurasının üzvləri şəhid Fikrət Tağıyev adına 72 nömrəli məktəb-liseydə fəaliyyət göstərən “Kiçik Akademiya”nın tədbirində iştirak ediblər.

İnstitutdan AZƏRTAC-a bildirilib ki, əvvəlcə şagirdlər “Kiçik Akademiya”ya həsr etdikləri himni səsləndiriblər. Tədbirdə çıxış edən müəllimlər şagirdlərlə birlikdə apardıqları elmi araşdırmalardan, çöl təcrübələrindən danışıb, Coğrafiya İnstitutunun gənc alimləri ilə birgə müasir texnologiyaların tətbiqi əsasında yeni elmi işlərə imza atmaq arzusunda olduqlarını bildiriblər.

Şuranın sədri, coğrafiya üzrə fəlsəfə doktoru Samirə Ələkbərova gələcəkdə şagirdlərlə birlikdə apara biləcəkləri tədqiqat işlərindən danışıb, institut rəhbərliyi adından məktəb kitabxanasına çoxsaylı kitablar hədiyyə edib.

İnstitutun elmi katibi, coğrafiya üzrə fəlsəfə doktoru, dosent Zərnurə Həmidova müasir texnologiyaların tətbiqi ilə elmi təhlillər aparmağın yolları, yeni tədqiqat metodları haqqında məlumat verib. Böyük elmi işçi, coğrafiya üzrə fəlsəfə doktoru Sevinc Məmiyeva ətraf mühitin çirklənməsindən danışıb, şagirdlərə ekologiyanı qorumağın yollarını izah edib, canlı orqanizmlərin varlığı üçün ətraf mühiti təmiz saxlamağın vacibliyini önə çəkib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.