Coğrafiyaçı-hidroloq alimin biblioqrafiyası çapdan çıxıb

Bakı, 8 dekabr, AZƏRTAC

Elm və Təhsil Nazirliyinin akademik Həsən Əliyev adına Coğrafiya İnstitutunun Qurunun hidrologiyası və su ehtiyatları şöbəsinin müdiri coğrafiya elmləri doktoru, professor Rza Mahmudovun biblioqrafiyası çap edilib.

İnstitutdan AZƏRTAC-a bildirilib ki, biblioqrafik göstəricidə coğrafiyaçı-hidroloq alimin elmi-ictimai fəaliyyəti və elmi əsərlərinin siyahısı əks olunur.

Biblioqrafik vəsait coğrafiya, hidrometeorologiya sahəsində çalışan alim və mütəxəssislər, pedaqoqlar, magistrlər, ali məktəb tələbələri, o cümlədən geniş oxucu kütləsi üçün nəzərdə tutulub.