İDMAN


Cüdo üzrə Masallı birinciliyinin qalibləri müəyyənləşib

Bakı, 11 oktyabr, AZƏRTAC

Masallı Rayon Gənclər və İdman İdarəsinin təşkilatçılığı ilə 18 oktyabr – Azərbaycanın Dövlət Müstəqilliyi Gününə həsr olunmuş uşaqlar, yeniyetmələr və gənclər arasında cüdo üzrə rayon birinciliyi keçirilib.

AZƏRTAC Gənclər və İdman Nazirliyinin saytına istinadla xəbər verir ki, Masallı Cənub Cüdo Təlim Mərkəzində keçirilən yarışda 10 çəki dərəcəsində 120 idmançı gücünü sınayıb.

Gənclərin yarışında Heydərəli Quliyev (55 kq), Nicat Talıblı (73 kq) və Kazım Qafarov (91 kq) qızıl medal qazanıblar.

Yeniyetmələrin mübarizəsində Vüsal Şıxəliyev (34 kq), Surxay Hacızadə (38 kq) və Kamran Mustafayev (46 kq) fəxri kürsünün ən yüksək pilləsinə qalxıblar.

Uşaqların yarışında Qafar Talıbov (24 kq), Yasər Novruzov (27 kq), Bağır Apazadə (30 kq) və Ayaz Cavadov (38 kq) birinci olublar.

Yarışın sonunda qaliblərə Masallı Rayon Gənclər və İdman İdarəsinin diplomları təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.