İDMAN


Cüdoçularımız açıq Avropa birinciliyində komanda hesabında ilk pillədə qərarlaşıblar

Bakı, 19 fevral, AZƏRTAC

Avstriyanın Obervart şəhərində cüdo üzrə açıq Avropa birinciliyi başa çatıb.

AZƏRTAC xəbər verir ki, cüdoçularımız beynəlxalq turnirdə 2 qızıl, 1 gümüş və 2 bürünc medal qazanıblar.

Azərbaycan millisinin üzvləri Mehman Sadıqov (60 kq) və Orxan Səfərov (66 kq) Avstriya turnirində bütün rəqiblərinə qalib gələrək çempion olublar. Yetmiş üç kiloqram çəki dərəcəsində mübarizə aparan Telman Vəliyev yalnız finalda uduzaraq gümüş medala layiq görülüb. Vüqar Şirinli (66 kq) və Firudin Dadaşov (90 kq) turnirin bürünc medalını qazanıblar.

Yekun nəticədə cüdo üzrə milli komandamız medalların sayı və əyarına görə bütün ölkələri qabaqlayaraq birinci yeri tutub.

Qeyd edək ki, Avstriyada keçirilən açıq Avropa birinciliyində 42 ölkədən 285 cüdoçu mübarizə aparıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.