İDMAN


Cüdoçumuz Avropa birinciliyində bürünc medal uğrunda mübarizə aparacaq

Bakı,10 noyabr, AZƏRTAC

Xorvatiyanın Poreç şəhərində 23 yaşlı cüdoçular arasında Avropa birinciliyi davam edir.

AZƏRTAC xəbər verir ki, mötəbər yarışın ikinci günündə təmsilçimiz Camal Feyziyev (100 kq-dan yuxarı) rəqiblərinə qalib gələrək yarımfinala yüksəlsə də, bu mərhələdə macarıstanlı Riçard Sipoça məğlub olub. Cüdoçumuz bürünc medal uğrunda italiyalı Aqro Lorentso ilə qarşılaşacaq.

Qitə birinciliyinin ilk günündə Azərbaycan milli komandasının üzvləri üç medal qazanıblar. Qızların yarışında Gültac Məmmədəliyeva (52 kq) gümüş, kişilər arasında Turan Bayramov (60 kq) və Nurlan Osmanov (66 kq) bürünc medala sahib olublar.

Qeyd edək ki, 36 ölkədən 328 idmançının (193 kişi, 135 qadın) yarışdığı Avropa birinciliyində Azərbaycan millisi 12 cüdoçu (9 kişi, 3 qadın) ilə təmsil olunur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.