ELM VƏ TƏHSİL


DAAD əməkdaşları AzTU-da məlumatlandırma sessiyası keçirib

Bakı, 7 may, AZƏRTAC

Alman Akademik Mübadilə Xidmətinin (DAAD) Tbilisi Regional Ofisinin əməkdaşları Azərbaycan Texniki Universitetində (AzTU) tələbə və müəllimlər üçün məlumatlandırma sessiyası keçirib.

Bu barədə AZƏRTAC-a universitetdən məlumat verilib.

Tədbirdə çıxış edən beynəlxalq əlaqələr üzrə prorektor Sübhan Namazov AzTU ilə DAAD-ın uzunmüddətli və səmərəli əməkdaşlığından bəhs edib. S.Namazov DAAD məzunlarının Azərbaycan təhsilinin və iqtisadiyyatının inkişafına verdiyi töhfələrdən, DAAD proqramlarının tələbə və tədqiqatçılar üçün yaratdığı fürsətlərdən də söhbət açıb. Prorektor AzTU-da alman dili tədrisini 2 il müddətində həyata keçirəcək DAAD lektorunun universitetdə tələbə və müəllimlərə faydasından da danışıb.

Daha sonra DAAD Tbilisi Regional Ofisinin rəhbəri Gebhard Reul rəhbərlik etdiyi qurumun fəaliyyəti, əməkdaşlıq etdiyi Almaniya universitetləri, tələbə və müəllimlər üçün proqramların üstünlükləri barədə məlumat verib.

DAAD Tbilisi Regional Ofisinin əməkdaşı Sevər Qarayeva Alman Akademik Mübadilə Xidmətinin təsis etdiyi təqaüdlər, həmçinin universitet müəllimlərinə Almaniyada yaradılan tədqiqat imkanları barədə təqdimatla çıxış edib.

Sonra tələbə və müəllimlərin sualları cavablandırılıb.

Qeyd edək ki, DAAD əməkdaşlarının məlumatlandırma sessiyaları mütəmadi olaraq davam etdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.